المريض : كام الكشف يا آنسه
السكرتيرة : ٣٥٠ ج
الدكتور : بتشتكي من ايه
المريض : بشتكي من كذا وكذا
الدكتور : تمام هاتاخد العلاج ده وتعملي الإشاعه دى والتحاليل دى علشان نطمن وتعدي عليا بعد ٣ أيام
المريض : حاضر يا دكتور
مركز الإشاعه : الحساب ١٢٠٠ ج
معمل التحاليل : الحساب ٤٥٠ ج
الصيدليه : الحساب ٥٠٠ ج
المريض : بعد ٣ أيام لو سمحتي يا انسه عندي إعاده مع الدكتور
السكرتيرة : تمام الإعاده ١٠٥ج
المريض : تمام اتفضلي
الدكتور : إيه يا بطل عملت إللي قولتلك عليه
المريض : أيوه يا دكتور اتفضل الإشاعه والتحاليل
الدكتور : عال عال الحمد لله كله تمام التحاليل والأشعه تمام مافيهاش حاجه
المريض : الحمد لله
الدكتور : امشي على العلاج واشوفك بعد شهر
السكرتيره : آلو مركز الأشعه الدكتور بيقلوكم بعتلكم ١٨٠ حاله الشهر ده ×٢٠% يبقى الحساب ٢٢ الف ج
مركز الإشاعه : حاضر الظرف هايجيله بكره الصبح
السكرتيره : آلو معمل التحاليل الدكتور بعتلكم ١٧٠ حاله الشهر ده ×٢٥% يبقى الحساب ١٥ الف ج
معمل التحاليل : حاضر الظرف هايجيله بكره الصبح
السكرتيره : آلو شركة الأدوية الدكتور كتب الدواء بتاعكم لكل الحالات بتاعته والدكتور طالب إسبوع ف شرم الشيخ هو والأولاد
شركة الأدويه : تمام بلغى الدكتور إن الحجز تمام وأجازه سعيده للدكتور والمدام والأولاد
هكذا تُدار الأمور ويتم الاتجار بآلام وأوجاع الناس
تحياتي واسفي على الضمائر الغائبة.
ويستمر الكادحون في المعاناة ويستمر المستغلون في اللامبالاة..
ارحموا من فى الارض يرحمكم من فى السماء. منقول
