سواق التاكسي
اللي ركبت معاه إنهارده بيقولي بفرحه
الجو حلو قوي إنهارده
شكلنا داخلين ع الشتا
أصل الشتا ده بتاع الفقرا والصيف ده بتاع الأغنيا
= قلتله إزاي ؟
قالي الصيف ده من كتر العرق هنستحمي كل شويه وميه وصابون وهنغير كل شويه طقم هدوم واللي محلتوش غير طقمين هيعمل إيه ؟
الشتا هلبس لبسي المقطع كله تحت والطقم اللي حيلتي من فوق وهيبقي جبرت ومحدش هيعرف أنا لابس إيه تحت !!
الصيف خروجات ومصايف وتكاليف ..
الشتا كوبايه شاي سخنه وكلفته قدام التليفزيون !!
الصيف ده محتاج مراوح وتكييفات وفواتير كهربا مترحمش
الشتا لأ تكييف رباني !!
الصيف فاكهته غاليه مانجه وبرقوق ومشمش ..
الشتا ده بتاع البرتقان أبو خمسة جنية !!
الصيف ده محدش بيبقي طايق حد فيه وكل واحد نايم ف أوضه
الشتا ده كل العيال بتنام ف أوضه واحده متكلفتين عشان تدفي
الشتا في عيون الغلابه
🥰
# منقول#
